Binakbak na Daan: Perwisyo sa Mamamayan!  

photo-info poster collated pics

Mariing na kinukondena ng Tongtongan Ti Umili-Cordillera Peoples’ Alliance ang sabay-sabay na mga “road projects” sa syudad na nagdudulot lamang ng perwisyo sa mamamayan.

Ang mga road projects na ito sa ilalim ng Department of Public Works and Highways (DPWH)- National ay sinimulang ipatupad Marso nitong toon, habang walang naganap na information dissemination sa mga residente at apektadong sektor sa syudad. Ito ay nag-resulta sa malawakang disgusto sa mga residente ng Baguio, sapagkat maging ang mga kalsada sa loob ng mga barangay ay nadadamay sa trapiko, gawa ng hindi madaanan ang mga mayor na kalsada sa CBD (central business district) area. Ang mga “road rehabilitations” na ito ay nagreresulta sa hindi paggalaw ng trapik dahil sa kawalan ng mga kalsadang madadaanan.  Malaki ang negatibong epekto nito sa buhay at kabuhayan ng mga residente, manggagawa, at mga estudyante sa syudad.

 Kami ay dismayado sa mga isinasagawang road rehabilitations sa syudad batay sa mga sumusunod:

 Hindi napapanahon at matagalang perwisyo sa mamamayan

Bilang isang “tourist spot” sa bansa, ang pagpapatupad ng mga road projects ay hindi napapanahon sapagkat nagdadagsaan ang mga turista sa syudad lalo na sa panahon ng tag-init. Ang paglaki ng bilang ng mga tao at sasakyan sa panahon na ito ay nagresresulta sa maghapong trapik. Sa tagal ng paggawa sa mga kalsada ay inabot na ng tag-ulan ang mga proyekto, kung saan walang konstruksyon na nagaganap kapag bumuhos ang ulan.

Ang mga proyektong ito sa ilalim ng DPWH-National ay higit 70 at aabot hanggang sa huling buwan ng taon bago matapos. Ibig sabihin, buong taong mararanasan ang ganitong klaseng trapik lalo pa na hindi magdamag ang konstruksyon sa mga kalsada. ang ilang mga kalsada sa ibang lugar ay hindi na magamit kahit hindi pa nagsisimula ang konstruksyon sapagkat ang mga ito ay binutas at winasak na. Samantala, ang mga “detours” o alternatibong ruta sa mga maliliit na kalsada ay nagpapalala pa ng trapiko sapagkat nagkakabuhol-buhol ang mga sasakyan. Hindi binibigyan ng konsiderasyon ng DPWH ang mga nakakabahalang epekto ng pagsasagawa ng sabayang konstruksyon sa mga mayor na kalsada sa syudad, basta’t maipatupad ang kanilang mga naiplanong proyekto.

 Maling Alokasyon ng Pondo at Aksaya sa Rekurso

Ang mga proyektong ito ay malinaw na pag-aaksaya ng pera ng taumbayan sapagkat ang pondong inilaan para sa “road rehabilitation, repair and improvement of drainage systems” ay aabot sa P668 million. Ang mga residente ay nagtataka kung bakit paulit-ulit ang paggawa sa mga kalsadang ito habang itong mga kalsadang ito din mismo ang binakbak nito lamang nakaraang 1-2 taon. Alam ng mga residente ng Baguio, maging ang mga opisyales, na napakaraming mga kalsadang malayo sa sentro ang hindi pa naaayos. Ngunit, hanggang ngayon ay walang ginagawang aksyon sa pagpapagawa ng mga kalsadang ito kahit na hilingin ng mga residente at barangay officials dahil sa kawalan umano ng sapat na pondo.

Hindi na rin maitutubli na ang mga materyales na ginagamit sa pagpapagawa ng mga kalsada ay “substandard” o mababang klase sapagkat ang mga kalsadang ginawa nitong nakaraan ay nag-“crack” kaagad, gaya ng kalsada sa Guisad, makalipas lamang ang isang buwan simula ng ito ay matapos. Gayun din ang kalye Rimando na muli na namang binabakbak makalipas lamang ang ilang buwan ng ito ay matapos. Ang kwestyon kung sino ang nakikinabang sa mga proyekto ito ay hindi na maipagpapaliban, lalo na ang mga kontraktor ng mga kasalukuyang road projects ay naging mga kontraktor na rin nitong nakaraang mga panahon. Anong klaseng konstruksyon ang ginagawa sa mga kalsada ng mga kontraktor na ito kung hindi pa lumilipas ang isang taon ay sisirain na naman?

Kawalan ng sentralisadong plano pang-urban

Ang isyu sa kawalan ng koordinasyon at sentralisadong planong pang-urban kasama ang lahat ng mga kinauukulang ahensya at departamento ay talamak sa syudad. Ito ay naging gawi na sa matagal na panahon kung saan ang mga kalsadang ginagawa ng DPWH ay “hinihiwa” ng BWD para sa pag-aayos ng mga tubo ng tubig, o kaya naman ng BENECO para sa pag-aayos ng mga poste ng kuryente. Dahil sa kawalan ng koordinasyon sa pagitan ng BWD, BENECO, DPWH at lokal na gubyerno hinggil sa mga isinasagawang proyekto, ang natapos na trabaho ng isa ay nasisira lamang ng isa pa. Nagreresulta ito sa paulit-ulit na mga proyekto at pag-aaksaya ng pero ng taumbayan.

Kawalan ng aksyon at posisyon mula sa lokal na gubyerno

Nakakabahala na tahimik at walang imik ang lokal na gubyerno sa isyung ito kahit na nasasaksihan nila ang malalang epekto ng mga proyektong ito sa syudad. Kahit na ang mga proyektong ito ay naiplano at ipinapatupad sa ilalim ng national branch ng DPWH, mayroong kakayahan ang LGU na maglabas ng posisyon para sa mamamayan lalo pa na sila ang nakakaalam kung paano pinapatakbo ang syudad at kung ano ang magiging epekto ng mga ganitong klaseng proyekto sa buhay at kabuhayan ng mga residente. Kung sinasabi ni Mayor Domogan na ang DPWH ay hindi nakipag-koordina sa kanila, bakit wala nang hakbang na ginawa ukol dito? Ang lokal na gubyerno ay may kapangyarihan na tumindig laban sa implementasyon ng proyekto sa loob ng kanilang kinasasaklawan, lalo na kung ang mga ito ay may malaking negatibong epekto sa mamamayan.

 Batay sa mga perwisyong ito, ating ipinapanawagan ang mga sumusunod:

Magsagawa ng tamang imbestigasyon at auditing sa mga pondong inilaan para sa pagpapatupad ng mga proyektong ito. Dahil sa laki ng mga pondong inilaan para sa bawat proyekto, nararapat lamang na malaman ng mamamayan kung paano ginamit ang mga pondo sa pagpapagawa ng mga kalsada simula ng ito ay ipinatupad nitong Marso. Nararapat din na makita kung magkano ang aktwal na ginastos na pambili ng mga kagamitan at pambayad sa mga kontraktor lalo pa na tumatagal ng ilang buwan ang mga proyektong ito.

Ipatupad ang 24/7 na trabaho sa pag-aayos ng mga kalsada at itigil ang pagsisimula ng mga bagong proyekto. Malinaw na hindi magdamag ang paggawa sa mga kalsada kung kaya naman tumatagal ng tumatagal ang pagtatapos ng mga ito. Dinedemanda natin na itigil ang pagsisimula ng implementasyon ng mga proyekto sa mga kalsada habang hindi pa natatapos ang mga nasimulan nang kalsada. Ang pagkakaroon ng sabay-sabay na mga proyekto ay nagdadala ng malalang trapik, at pinapalala pa ng pagsisimula ng mga bagong proyekto habang hindi pa natatapos ang iba. Gaya na lamang ng kalye Zandueta sa Baguio City Market na sinimulang bakbakin nitong linggo, hanggang ngayon ay walang nagaganap na konstruksyon habang hindi na nagagamit ng mga sasakyan ang daan.

Ipatapud ang sentralisadong planong pang-urban kung saan lahat ng mga ahensya at departamentong sangkot sa mga proyekto ng pag-aayos ng kalsada ay kasama sa mga binubuong plano. Nararapat lamang na gawin ito upang hindi paulit-ulit at aksaya sa pera ng mamamayan ang pagpapatupad ng mga proyekto sa kalsada, tubig at kuryente.

Ang lokal na gubyerno ay nararapat lamang na maglabas ng tindig para sa mamamayang pineperwisyo ng mga proyektong ito. Marapat din na alisin nila ang pag-iisip na “walang magagawa” dahil ito umano ay proyekto mula sa nasyunal. Bilang mga tagapamuno sa syudad, nararapat lamang na sila ay tumindig para sa mamamayan, lalo pa na nakikita nila ang malawak na perwisyong dulot ng mga proyektong ito sa syudad at sa mga mamamayan.

Hindi matatawag na pag-unlad ang ganitong klaseng mga proyekto kung ang dulot naman ay perwisyo sa buhay at kabuhayan ng mamamayan.

Itigil ang Perwisyo sa Mamamayan, Tama na ang pagbabakbak ng mga daan!

Reference:

Tracy Anne Dumalo

Secretary-General

Advertisements

Binakbak na Daan: Perwisyo sa Mamamayan

Tatlong araw na ang nakakalipas simula nang bakbakin ang kalsada sa Zandueta Street sa Baguio City Market ngunit hanggang ngayon ay walang nagaganap na “road construction” at naiwan lang na hind magamit ang kalsada.

BAKIT BINABAKBAK NA KUNG HINDI PA NAMAN SISIMULAN ANG PAG-AAYOS?

11271935_10204041188620936_73470437_n 11297687_10204041184900843_1547370907_n-litrato mula kay Tracy Dumalo

Mangilan-ngilan Lang (para sa mga Manggagawa ng Kentex)

Mangilan-ngilan lang ang naglustay

Ng mobile data, upang sa kanila ay makiramay

Mangilan-ngilan lang ang naglaan ng espasyo

Sa kanilang facebook wall, upang ang naabo

Na mga kabahayan, ari-arian, at mga buhay

Ay idulog ng habag at tulong sa kaitaas-taasan

Mangilan-ngilan lang ang ginamit ang kanilang

Mga hintuturo upang usigin ang kapitalista

Sa nakapanlulumong trahedya

Mangilan-ngilan lang ang nabagabag

Sa bilang ng mga natustang pangarap

Mangilan-ngilan lang ang nagimbal

Sa nag-uumapaw na bilang ng mga kontrakwal

Mangilan-ngilan lang ang humiling ng hustisya

Gayong silang mga alipin ng kapital ang gumawa

Sa mga tsinelas, sapatos, sandalyas, at bota

Na ipinangbabalot natin sa’ting mga paa

Mangilan-ngilan lang ang sumubok na maging sila

O samahan man lang sana sila sa pagpasok sa pabrika

Kahit na pudpod sa pagod ang kanilang mga mata

O samahan man lang sana sila upang namnamin ang

Bagsik ng usok ng nasusunog na goma habang

Ito’y pumapasok sa lanta nilang mga katawan

O samahan man lang sana sila sa kanilang

Pag-uwi, at alamin kung ilang kilo lamang ng bigas

At ilang gramo lamang ng galunggong ang sasapat

Sa walang-katumbas nilang mga pagsisikap

Mangilan-ngilan lang ang nakialam

At inalam ang amoy goma nilang mga pangalan

Mangilan-ngilan lang ang nagtiis

At inamoy ang amoy goma nilang pawis

Mangilan-ngilan lang ang sumulat

At nahabag sa amoy goma nilang balat

Mangilan-ngilan lang ang tapat

Sa kanilang mga pananampalataya

Mangilan-ngilan lang ang sa kapwa

Ang handang magpuyat at masugat

Mangilan-ngilan lang ang mga naging Filipino

Para sa mga kapwa natin Filipino.#

**para sa mga Manggagawa ng Kentex

Ni Kislap Alitaptap

15 Mayo 2015

Justice for Kentex workers! Justice for all Filipino workers!

Migrante International

kentexGlobal alliance of overseas Filipinos Migrante International extends its most heartfelt condolences to the family and friends of workers of Kentex Manufacturing Inc. who died in a factory fire last May 13.

Seventy-two workers have been confirmed dead, mostly women, while 20 more remain missing. Witnesses attest that some 200 were present when the fire consumed the factory.

Kentex, a factory located in Valenzuela City, clearly violated general labor standards and occupational health and safety standards. Despite this, the Department of Labor and Employment (DOLE) had been quick to state that Kentex passed all inspections and exercised strict compliance with labor standards. However, a fact-finding mission conducted by Kilusang Mayo Uno, Center for Trade Union and Human Rights (CTUHR) and the Ecumenical Institute for Labor Education and Research (EILER) Philippines exposed clear violations, among them, the “mishandling of hazardous and flammable chemicals, absence of proper smoke and fire alarm, and…

View original post 364 more words

Whatever happened to a “people-centered” ASEAN? Filipino migrants slam ASEAN member states in Rohingya crisis

Migrante International

photo from Agence France-Presse photo from Agence France-Presse

Global alliance of overseas Filipinos Migrante International condemns in strongest terms all ASEAN member states for refusing to come up with a humane and compassionate resolution to the ongoing Rohingya crisis.

As of this posting, some thousands of trafficked Rohingya migrants remain stranded at sea, among them women and children, as Malaysia and Indonesia continue to refuse them entry to their borders. As the whole world looks on, Rohingya migrants are left to die, without proper food, shelter and protection.

Migrante International also expresses grave concern over news reports of migrant detention camps and mass graves uncovered along the Thailand-Malaysia border. Thailand’s cruel and militarist crackdowns on trafficked victims and undocumented migrants continue to plague the Rohingya peoples and other trafficked victims.

Migrante International also strongly criticizes the Myanmar government for discriminating against the Rohingyas, treating them inhumanely and criminalizing them as illegal migrants.

Shame on…

View original post 280 more words

Unacknowledged American Atrocities in the Philippines

Covert Geopolitics

There’s a part in our history that may cause discomfort to our friends in America, but it needed to be told because as one US president had said, “An error becomes a mistake only if we refuse to correct it.”

You will, as you read the privilege speech below, understand why this subject is brought up today.

View original post 2,300 more words